Hartara, gure orria bisitatuko duten bertako herritarrek hainbat afera praktikotarako sarbidea izanen dute, besteak beste: udalaren aztergaiei buruzko informazioa jasotzeko, ohikoak diren izapideetarako dokumentu-ereduak jaisteko, udal-zerbitzuetako pertsonekin harremanetan jartzeko, zergak ordaintzeko egutegia kontsultatzeko, eta zonaldeko eguraldi-iragarpenaren berri jasotzeko.

Gure Ibarra ezagutzen ez dutenek, izanen dute zerez gozatu web orri honen bitartez: pagadi eta harizti ederren irudiez, Xuriainen edo Baratxuetaren bista zoragarriez, eta Aritzu eta Egozkueren ikuspegi harrigarriaz. Halaber, gure geografiari eta historiari buruzko xehetasun zenbait jasotzeko aukera izanen dute, inolako zalantzarik gabe gure lurraldera ekarriko dituen ibarraren irudia osatze aldera.

Sarrera labur honen ondotik, gure orrira sartzeko, eta zure esku paratu dugun informazioa erabiltzeko gonbidapena luzatu nahi dizugu.

Jaso ezazu Anue Ibarreko udalbatzaren agurrik beroena.